Terp fan de Takomst

Yn de kwelder fan Noard-Fryslân Bûtendyks, efter de hege Deltadyk by Blije, leit sûnt ferline jier ‘de Terp fan de Takomst’. De terp is oars as de oaren sa 't wy dy yn it noarden fan Fryslân kenne. Net om op te wenjen of yn it gefal fan oerstreaming in drûch plakje te finen, lykas de terpen ea troch ús foarâlden opsmiten binne. Yn de iuwen foar it begjin fan ús jiertelling riisden de earste terpen op. Se groeiden stadich – fan lyts en leech, mei romte foar mar ien hûs, nei in brede en hege heuvel, in doarpsterp mei meast in tsjerkje yn ’e midden. Op de swiere houten peallen lizze twa grutte houten ringen. Dizze ringen symbolisearje it houlik tusken lân en see, tusken minske en natuer.

Dizze terp, sa’n 80 meter breed en 5,7 meter boppe NAP, is bedoeld om te ûndersykjen, te harkjen nei muzyk, teäter te belibjen, mar benammen om te genietsjen fan it oerweldigjende wiidske lânskip, de fûgels, it wetter, de loften en oan de hoarizon de eilannen. De bûtenste ring fan 'e terp wurdt karakterisearre troch in sirkelfoarmige opgong.

Op de ringen steane de wurden dy 't útdrukking jouwe fan de ferbining fan de ynwenners fan dit gebiet mei it waad. De Terp fan de Takomst is net foar de ivichheid boud en it is noch mar de fraach wat de natuer bepaalt. Boaiemdelgong en seespegelstiging sille úteinlik oer it lot fan de terp beslisse.
​

​Ienkear boppe op de terp, tusken in dûbele rige fan de dikke houten peallen, ûnderfynst it bûtendykse lânskip yn in 360 - graden belibbing. It útsjoch op it lânskip, feroaret hieltyd, lykas de kwelder dy 't altyd yn beweging is,  ûnder ynfloed fan de getiden. De fûgels, de wyn, de loften.

De ‘ Terp fan de Takomst ’ is in projekt fan de Feriening Doarpsbelang Blije en omkriten, de ynwenners fan Blije, Sense of Place, It Fryske Gea en it Observatorium Rotterdam.

 Fan 15 maart oant 15 july is de terp en it gebiet sletten yn ferbân mei it briedseizoen.

De Terp fan de Takomst, op 22 juli 2024.