Winter Waad

De pear winterse dagen healwei febrewaris hat tal fan winterske plaatsjes opbrocht. Wat is der moaier om op sa'n hearlike winterdei op it Waad te wêzen. It waad en de Peazemerlannen binne eins ek op alle oare dagen fan it jier mear as de muoite wurdich, mar mei in tekkentsje fan snie en iis yn it wetter, kin it hieledal net mear stikken....

In skrale wyn út it easten makket it iiskâld. By it wetter oan de râne fan de Peazemerlannen sykje fûgels as de Mients (Kanoet yn it Nederlânsk) Strânljip(Scholekster) en Stienpikker (Steenloper) nei iten. Fjirderop boppe it iepen wetter fleane kloften seefûgels.  Yn de fjirte leit Skier.

Útsicht fanôf de seedyk oer de Peazemerlannen mei oan de kym Skier mei de twa fjoertuorren fan it eilân.
​De Wagenborg fearboat 'Rottum' ûnderweis fan Skiermûntseach nei de haven fan Lauwerseach.

De Peazemerlannen lizze bûtendyks by it  doarpke Peasens en wurde beheard troch It Fryske Gea. In diel fan it gebiet is net tagonkelik, foar minsken. De dykjes en de strekdam binne dat wol. Mear oer de natoer fan de Peazemerlannen op de side fan It Fryske Gea.