noarderljocht.com
!Keunst yn Fryslân
|
Fryslân brûst.....Wy hawwe hjir in soad te bieden op it mêd fan keunst en kultuer. Us lytse lân prottet út fan 'e museums, elts doarp hat wol mear as ien keunstner. Der binne tal fan keunsttentoanstellings, der is musyk en tink ek mar ris oan al dy iepenloftspullen yn 'e simmer..... Oerol op Skylge, Open Stal en noch folle mear.
|
Sjoch hjir foar keunst bûten de provinsje |
Op nei it Amelân
|
Op it Amelân binne tal fan lokaasjes ynrjochte mei keunst... fan Sier aan Zee by Hollum oan't de Kooiduinen. Kunstmaand Ameland is noch oan't en mei 30 novimber. It wurk hjirneist is fan Johan Meeske en is te sjen yn Sier aan Zee, oan de Oranjeweg yn Hollum.
Lânskip, Johan Meeske. Foto: Johan Meeske.
|
|
Fr11slân troch de eagen fan Vermeer
Foar it mienskipsprojekt ‘Fr11slân troch de eagen fan Vermeer’ fregen Gabriëlle Westra en Randolf Algera, ynwenners fan de alve stêden om modellen en ferhalen, leafst út stedswiken dy’t faak oan it omtinken ûntkomme. Ut al dizze nominaasjes waarden alve modellen keazen, dy't tegearre mei harren ferhalen, op it doek fêstlein waarden. Westra skildere dêrnei de portretten fan de markante bewenners, Algera de stedsgesichten. Yn de alve skilderijen fynst typyske Vermeer eleminten en fernimst dat de bylden út de tiid fan 17e iuwske skilder Johannes Vermeer mei dy fan it no en de takomst, troch inoar hinne rinne. Yn 2024 reizge de eksposysje lâns de alve stêden. Sjoch foar mear op: Hindeloopen van Christoffel en Kate Bisschop.
Kunst? Natuurlijk!
|
Van 1 t/m 31 maart in het Natuurmuseum Fryslân in Leeuwarden. De telemaand is de binnentuin het domein van drie 'artists in residence': Joost Zwagerman - beelden van staal, Annemarie Hoogwoud - foto's en Doet Boersma - schilderijen.
|
Doet Boersma.
|
Joost Zwagerman.
|
Annemarie Hoogwoud.
Meer over Kunst? Natuurlijk op de website van Nauurmuseum Fryslân
Ierappels út de skuoarre - no te sjen!
|
Ynkoarten iepenet yn it Fries Museum in solottoanstelling fan Semâ-Bekirović (1977, Amsterdam) mei dêryn wurken, makke binne troch net-minsklike keunstners. By it oprêden fan 'e skuorre kamen in pear ferlerne ierappels foar it ljocht, dy 't harsels transformearre hiene yn wiere keunststikken. Sjoch hjir foar de kommende tentoanstelling yn it Fries Museum.
|
Energie - Kunstmaand Ameland 2023
|
Novimber stiet wer foar de doar. Op it Amelân wurdt hurd wurke oan de lêste tariedings op 'Energie' Yn de kommende dagen foto's fan de keunstwurken. Op de foto hjirnijst wurk van Eelco van Iersel, te sjen yn de Herenweg Tsjerke yn Hollum.
|
Lichter Landschap
|
Lichter Landschap fan Wia Bouma en Hilde Huisman wie in pear wike yn septimber yn de H47 keunstromte, yn de Haniasteeg te sjen. Wy makken der dizze ympresje.
|
Schilders van het Friese Landschap
|
Sa sille in soad minsken, dy 't it ea sa mei eigen eagen seagen, it Fryske lânskip sjen wolle. It Fries Landbouwmuseum yn Ljouwert lit dat lânskip sjen. Ien kear bûten de doar stapst wer yn de werklikheid. Oan 'e iene kant de oprukkende stêd, efkes fierder yndustriële feehâlderij en dairykampus. De eksposysje Schilders van het Friese Landschap is oant 31 oktober te sjen.
|
De Reis - Open Stal 2023
|
De CAV-fabryk fan Aldeberkeap is ien fan de 18 lokaasjes yn it doarp, mei wurk fan û.o. O.C. Hooymeijer en Herman van Hoogdalem.
|
Tames Oud - Eiland van Verlangen
|
In Museum Sorgrager in Hollum een overzicht van een deel van het werk van de in Nes geboren Amelander kunstenaar Tames Oud. Tegelijkertijd is er een tentoonstelling in Museum Belvédère, Heerenveen-Oranjewoud.
Museum Belvédère t/m 24 september 2023 Museum Sorgdrager t/m 23 oktober 2023 |
Foetprint - Kûnst in Skuren
It byld dat Abe Gerlsma (1919-2012) yn ‘Iere Moarn’ sketste, is dat fan in lânskip, dat wy eins allinne noch mar kinne fan âlde foto’s en keunstwurken as dizze. De eksposysjeromten foar ‘Foetprint’, de grutte ierappelskuorren op It Bildt, meitsje ús pynlik dúdlik, hoe’t it lânskip ferwurden is ta in yndustrieel argrarysk lânskip. Njoggentjin keunstners toanden harren wurk op ‘Foetprint – Kûnst in Skuren', yn de Bildtse Aardappelweken.
Smoel - Keunstmoanne Amelân 2022
Smoel - de titel fan de 26e edysje fan Keunstmoanne Amelân 2022. De hiele moanne keunst op mear as 40 lokaasjes op it eilân, fan de Kooiduinen by Buren oan't 'The Sunset' op it strân by Hollum.... Fotografy, glês, stiel, Japanske Sumi-e, film.... Op de foto wurk fan Willy Schut.
Petrit Halilaj yn it Fries Museum
It Fries Museum presintearret de earste tentoanstelling fan Petrit Halilaj (Kostërrc, Kosovo, 1986) yn Nederlân. Twa fan Halilaj’s renommearre projekten, RU (2017) en Shkrepëtima (2018), binne hjir no yn Ljouwert te sjen. Wylst RU draait om erfgoed en argeology, ferkent Halilaj mei Shkrepëtima teäter as ûnderdiel fan it mienskipslibben en mooglikheid ta refleksje op identiteit. Wie oant en mei 5 maart 2023 te jen.
Kijk hier voor meer.
Uit de Schaduw
It tema fan de 51ste edysje fan de Open Stal keunstroute yn Aldeberkeap is 'uit de Schaduw' ('út it Skaad').
'Het licht van de schaduw 9 - Cisca Poldervaart, 2022
Sjoch hjir foar mear foto's fan Open Stal 2022.
Living the Landscape - Libje it Lânskip
|
Yn de perioade tusken 1937 en 1975 strutsen in soad byldzjende keunstners yn St. Ives, oan de kust fan Cornwall, del. Sy lieten har net liede troch de lêste artistike of maatskiplike ûntjouwingen fan har tiid, sa 't te dwaan gebrûklik wie. Krekt it iuwenâlde lânskip, de see en de ferbûnens tusken de pleatslike befolking en har omkriten foarme de reade line yn har wurken. Sjoch hjir foar mear.
Hjirneist: 11 Novimber 1947 (Mousehole), Ben Nicholson.
|
|
Landschappen aan de Buitenrand - Isabella Werkhoven
Ruthless Spring - Isabella Werkhoven.
Isabella Werkhoven eksposearret yn Museum Belvédère: 'Landschappen aan de Buitenrand'.
Tussen Hemel en Aarde
Eikenboom - Sjoukje Iedema.
Oan't en mei 27 febrewaris 2022 is yn Galerie MuGA, Museum Heerenveen de tentoanstelling 'Tussen Hemel en Aarde' mei wurk fan Marjo Postma, Sjoukje Iedema en Geertje de Boer.
Leon Keer
De kelder fan Museum Princessehof, ea it bertehûs fan Maurits Cornelis Escher, is troch ferneamd strjitkeunstner Leon Keer transformearre yn in Escheriaanse 3-D romte.
Doet Boersma
|
|
Fertile Soil - Fruchtbere Grûn, is it nijste keunstboek fan Doet Boersma. De Fryske grûn, de natoer en de lânskippen leverje net allinne de ynspiraasje foar Doet's wurken, se streame troch harren ieren. Tal fan wurken wiene en binne rûnom yn de provinsje te sjen. Sjoch derfoar ek op de side fan Doet: doetboersma.nl.
Útbrûst:
Yn Útbrûst hawwe wy in oersicht makke fan keunst en keunstners dy't yn de ôfrûne tiid yn de provinsje te sjen, wiene as ek Fryske keunsners dy't bûten de provinsje yn de skynwerpers stien hawwe. Dochs tige moai om noch ris werom te sjen:
Traces - QuiltArt
|
'No Man is an Island' fan Mirjam Pet-Jacobs, te sjen oant en mei 12 desimber 2021 op de eksposysje 'Traces' (Spoaren) yn de Skierstins fan Feanwâlden.
|
Keunstmoanne it Amelân 2021 mei in sulveren râne
Gígja Reynsdóttir |
Yn 2021 waard foar de jubileum-edysje fan de Keunstmoanne op it Amelân in kar oan nasjonale en ynternasjonale keunstners útnûge. Klik hjir foar in oersjoch fan (hast) alle oare Keunstmoannen.
|
In pracht yn de Belvédère
|
Yn de Belvedère by Oranjewâld is op dit stuit wurk fan Geurt Busser en Jan Mankes te sjen. Derneist tal fan oare keunstners mei ek yn de bûtenloft om it museum hinne grutte keunstwurken.
Hjirneist: in útsnede fan it skilderij 'Grote uil op scherm' fan Jan Mankes. |
Masters fan de Tekenkeunst
|
Oant en mei 19 jannewaris 2020 toande de toanoanjaande Draiflessen Collection yn it Dútske Mettingen in tweintichtal lânskippen fan Jan van der Kooi en Rembrandt. Sjoch ek op de side fan Jan van der Kooi.
|
Fruchtbere Grônd - Yvonne Alting
|
Yvonne Alting (Barendrecht, 1959) wie ien fan de 44 keunstners dy't yn 'e simmer fan 2018 op It Bildt delstrutsen. Harren wurk wie útstald yn 7 ierappelloadsen en skuorren oan de Alde Bildtdyk.
|
Ancient Light - Claudy Jongstra
|
Ancient Light. Claudy Jongstra eksposearret opnij yn it Fries Museum. Dizze bysûndere tentoanstelling wie oant en mei 8 jannewaris 2017 yn Ljouwert te bewûnderjen.
|
Perfect Imperfection
|
Permaninte eksposysje fan glêskeunst yn de tsjerke fan Ballum. De wikseling fan it ljocht bringt hieltyd wer oare foarmen en kleuren.
|
FryslânPhoto Festival
|
Fan 5 oant en mei 29 oktober is yn Ljouwert it FryslânPhoto Festival. Op 8 plakken yn 'e stêd litte fotografen harren wurk sjen. Mear op FryslânPhoto.
|
Alma-Tadema yn it Fries Museum
|
Yn it Fries Museum wie koartlyn de grutte oersjochtentoanstelling fan it wurk fan Laurens Alma-Tadema.
Mear ynformaasje op de side fan it Fries Museum en Leighton House. |
Abe Gerlsma - Bisten, Blommen en Lânskip
|
'Bisten en Blommen' wie de grutte oersjochtstentoanstelling fan it wurk fan Abe Gerlsma (Frjentsjer 1919-2012), op trije lokaasjes yn Ljouwert: Tresoar, it Fries Natuur Museum en Galery De Roos van Tudor. Yn 2019 yn Museum Martena, Frjentsjer: Abe Gerlsma 100 Jier.
|
Sjoerd de Vries - Fries Museum en Museum Belvédère
|
Nei oanlieding fan de takenning fan de Gerrit Benner Priis 2015 oan Sjoerd de Vries (Aldehaske, 1941), toant it Fries Museum oant 28 febrewaris 2016 wurk fan Sjoerd de Vries yn kombinaasje mei dat fan tiidgenoaten, ynspiraasjeboarnen en persoanlike foarkarren. Museum Belvédère yn It Hearrenfean-Oranjewâld komt yn it neijier fan 2016 mei in grutte oersjochtentoanstelling, basearre op in yngeande ynventarisaasje fan it oeuvre, wêrtroch’t net earder toand wurk te sjen wêze sil.
|
Harrekrammele - Fries Museum
|
Fan besteande foarwerpen makket Machiel Braaksma (Bartlehiem, 1959) nije kreaasjes en betsjoenende assemblaazjes. Fiif jier die er oer it meitsjen fan syn nije keunstnersboek Harrekrammele. In Frysk- en Sineesktalich sjoch- en lêsboek foar folwoeksenen en bern. De tentoanstelling mei deselde namme presintearret it boek, útfergrutte printen en in oantal fan de makettes dy’t de keunstner dêrfoar makke. Harrekrammele is te sjen fan 26 septimber 2015 oant en mei 14 febrewaris 2016 yn it Fries Museum yn Ljouwert.
|
Fries Museum iepen !
Op 13 septimber 2013 waard yn Ljouwert it nije Fries Museum troch Keninginne Máxima iepene. It is in skitterend gebou wurden. Yn de foyer hinget in grutte muorrebeklaaiing makke troch Claudy Jongstra. Yn it ramt fan 10 jier Akademie voor Popcultuur wie der in eksposysje fan it wurk fan in oantal studinten, dêrûnder ek twa fan myn âld-learlingen: Evelyn Andoh en Natasha Taylor....... om grutsk op te wêzen ! Op de foto it grutte muorrekleed makke troch Claudy Jongstra.
21ste Noorderlicht fotomanifestatie
|
Sjoch hjir foar mear oer de Noorderlicht foto tentoanstellingen yn Ljouwert en omkriten.
|
Ids Wiersma & Sierd Geertsma
Twa grutte nammen yn 'e skiednis fan de Fryske skilderkeunst. Ids Wiersma fan Brantgum en Sierd Geertsma út Appelskea binne te sjen yn Museum Drachten. De oankundiging as de Van Gogh en Monet fan Fryslân is miskien wol wat te folle fan it goeie, mar der sitte fan beide keunsners wol in stikmannich topstikken tusken.
mear: Museum Dr8888
mear: Museum Dr8888
Noorderlicht Internasjonaal Fotofestival
Oant en mei 25 oktober 2014 wie de fototentoanstelling 'Noorderlicht' op ferskate plakken yn 'e provinsje te sjen. De haadlokaasje wie it Fries Museum yn Ljouwert. Yn inkele lytse tsjerkjes wie it satellytprogramma ynrjôchte.
Sjoch foar mear (aktuele) ynformaasje: Noorderlicht
Sjoch foar mear (aktuele) ynformaasje: Noorderlicht
Bosk fan Ypey - Vijversburg
'Narcissus', de tentoanstelling fan keunstners fan de Nederlandse Kring van Beeldhouwers yn it Bosk fan Ypey bei Swarteweisein.
Sjoch foar mear: Vijversburg.nl
Sjoch foar mear: Vijversburg.nl
Trijnie van der Wal
|
Trijnie van der Wal yn it Fries Museum.
|
Feetwarmers op Tsjoch
De Feetwarmers komme út It Bildt en harren muzyk is dus ek yn It Bildtsk. Yn 2008 hiene se in daverjend optreden op Tsjoch 31 yn De Lawei fan Drachten.
Amelân - Keunstmoanne
Novimber is al jierren dé moanne fan de keunst op it Amelân
|
Open Stal - Aldeberkeap
Keunst troch it hiele doarp
|
Fries Museum - Ljouwert
It nije Fries Museum gie yn Septimber 2013 wer iepen foar it publyk
|
Belvedère -
|
